O SAMAIN

Hoxe foi un día moi especial para os nosos nenos... DABAN MEDO!!!!! A verdade é que lles encanta disfrazarse e o pasan xenial poñéndose na pel doutros persoaxes.
Dende o cole, como todolos anos, puxeron o tunel do terror, coas cabazas que levaron os nenos tan terroríficamente decoradas!

E para completar o post, vos deixo unha canción sobre o Samain representada en lingua de signos. É moi divertida e moi pegadiza!!!

AH!  Recordade que O LUNS 31 DE OUTRUBRO NON HABERÁ COLE!

ACTIVIDADES PARA FACER EN FAMILIA

Ó noso mail chegan moitas veces informacións sobre actividades para facer en familia ou dirixidas aos rapaces, e dende aquí, intentaremos mantervos informados por si algunha é de voso interese.

Neste momento temos 3 propostas, a continuación tedes un pequeno resumo, pero si queredes máis información, só tedes que pinchar no nome da actividade:

VIVIR O OUTONO NAS ILLAS ATLÁNTICAS, son unha serie de actividades gratuítas para facer en familia con nenos a partir de 5 anos, dende o mércores 26  ata o domingo 30 de outubro.

O SAMAIN é unha festividade propia de Galicia e do 27 ao 31 de Outubro podedes encontrar un montón de actividades gratuítas para nenos a para nenos a partir de 6 anos en distintos sitios da nosa cidade: Coia, Progreso, Navia, Calvario,...

OBRADOIRO DE ESCRITURA CREATIVA, dirixido a nenos de entre 10 e 12 anos. É gratuíto e se levará a cabo o Venres 4 de novembro (18:00 - 20:30 h.) e Sábado 5 de novembro (11:00 - 13:30), na Casa da Xuventude, López Mora, 31.

Tamén temos algunhas propostas para os adultos:

DEBATE SOBRE OS DEBERES ESCOLARES, o 4 de Novembro as 17 h no IME (Camiño do Chouzo, 2). 

CURSO BÁSICO DE LINGUA DE SIGNOS gratuíto, levarase a cabo todos os martes lectivos desde o 8 de novembro ata o 31 de xaneiro de 18:00 a 20:00 h. no IME (Camiño do Chouzo, 2). Inscripcións ata o 3 de novembro, prazas limitadas).

XORNADAS FORMATIVAS E DE CELEBRACIÓN DA DIVERSIDADE, organizadas pola Fundación Gerard o 9 e 10 de Decembro en Santiago de Compostela

CONCENTRACIÓN CONTRA AS REVÁLIDAS DA LOMCE

o vindeiro 26 de outubro terá lugar unha concentración contra as Revalidas e a LOMCE na farola de Urzaiz (Rúa do Príncipe) ás 19:00h. Deixámosvos un decálogo de motivos polos que deberíamos asistir!!!

DECÁLOGO DE MOTIVOS POLOS QUE ESTAMOS EN CONTRA DAS REVÁLIDAS DA LOMCE

1. CLASIFICACIÓN DOS CENTROS E COMPETICIÓN (MAL ENTENDIDA) ENTRE OS MESMOS, xa que de publicarse os resultados só conseguirán prexudicar ás escolas de contornas socioeconómicas desfavorecidas, como corroboran diferentes estudos publicados.

2. NEUTRALIZACIÓN de novas iniciativas metodolóxicas dos centros que apostan por proxectos educativos que respectan os ritmos de aprendizaxe e desenvolven os currículos prestando gran atención ás intelixencias múltiples, xa que o modelo de reválida privilexia os contidos, ignora moitas das competencias clave e introduce obstáculos no progreso da formación do alumnado.

3. SELECCIÓN TEMPERÁ, xa que o énfase debería poñerse nas dotacións orzamentarias destinadas a paliar os problemas que unha proba ben deseñada podería contribuír a detectar, e non centrada nos resultados do alumnado, clasificando aos estudantes en “bos e malos”, tentando evitar o acceso destes últimos aos estudos post-obrigatorios.

4. COMPETENCIA MAL ENTENDIDA, xa que centrará os esforzos das escolas na obtención de bos resultados na reválida, e non na necesaria cooperación entre elas.

5. PERVERSIDADE E FALTA DE OBXECTIVIDADE, xa que só se terán en conta algunhas competencias, e dentro destas sobre todo o contido, e non aspectos moi relevantes como o pensamento crítico, a creatividade, a propia iniciativa, as características individuais de cada persoa, a competencia social e cidadá…

6. DESCONFIANZA E CONTROL INAPROPIADO aos centros e os docentes, cuestionado a súa capacidade para realizar o seu traballo, non mencionando en ningún punto a importancia da formación continuada.

7. INVOLUCIÓN, inspirándose en modelos superados e non nos mellores modelos vixentes en Europa, e centrando os obxectivos de moitos cursos na superación duns exames de dubidosa relevancia, en detrimento de case todos os aspectos importantes no proceso de ensino-aprendizaxe.

8. INEFICACIA, dado que moitos organismos e informes, como o National Research Council de Estados Unidos (2011), expoñen que os sistemas semellantes ao que propón a reválida na LOMCE son ineficaces e non contribúen á mellora da formación do alumnado no futuro; por el contra, co tempo os resultados das probas poden mellorar porque o traballo docente e a aprendizaxe das rapazas e rapaces céntrase na realización das probas.

9. IMPOSICIÓN, xa que non se levou a cabo ningún tipo de debate científico, social e político, necesarios para chegar a un consenso, e as reválidas foron aprobados coa maioría de todos os sectores da comunidade educativa en contra.

10. DESCOORDINACIÓN, IMPROVISACIÓN E FALTA DE INFORMACIÓN por parte da Administración que aconsellan a non realización das probas.

RENOVACIÓN DA XUNTA DIRECTIVA DA ANPA PRESENTACIÓN DE CANDIDATURAS E PROCESO ELECTORAL

Por mor da renuncia voluntaria ao cargo de tres compoñentes da Xunta Directiva actual deberemos convocar unha Asemblea Extraordinaria para elixir un novo equipo.

CANDIDATURAS

Todas as candidaturas presentadas deberán ser candidaturas CONXUNTAS*

* As candidaturas CONXUNTAS son as formadas por un grupo de socios/as que se unen para presentarse como grupo, elixindo cada un dos socios integrantes un posto dentro da Xunta Directiva. Segundo os estatutos da Asociación deberá ter cubertos, polo menos, os seguintes postos, de forma obrigatoria: Presidente/a, vicepresidente/a, tesoreiro/a e secretario/a; ademais, poderán existir tantos postos de vocais como se estime oportuno, sen límite nin por exceso nin por defecto, aínda que non é recomendable que existan demasiados vocais na asociación, para facilitar o funcionamento da mesma. Polo tanto, as candidaturas conxuntas deberán estar formadas por, polo menos, catro membros.

Como xa vos informamos, calquera membro socio/a ten dereito a presentarse como candidato. Animámosvos a todos/as a que presentedes candidatura, e poñades en marcha os vosos proxectos e ideas. No entanto, e vista a experiencia en cursos anteriores, debedes ter en conta que calquera cargo, sexa o que sexa, dentro da Xunta Directiva, require dunha mínima dedicación de tempo por parte dos seus integrantes, xa que diso DEPENDE O BO FUNCIONAMENTO das actividades extraescolares, así como moitas outras xestións habituais que as ANPAS realizan: colaboración en proxectos co centro, promover as boas relacións entre a Directiva e os docentes do Centro coas familias, representación no consello escolar do centro, xestión das subvencións, xestión económica e administrativa da asociación, representar á asociación perante calquera organismo ou en  reunións con anpas do municipio, informar e promover actividades formativas e culturais…

PROCESO PRESENTACIÓN DE CANDIDATURAS E ELECCIÓNS

Todos aqueles socios e/ou socias da ANPA que esteades interesados en presentar candidatura pechada para formar parte da Xunta Directiva da Asociación, poderedes facelo, cubrindo o impreso ao efecto,desde o próximo día 7 de Novembro de 2016  ata o día 11 de Novembro de 2016. O impreso podedes descargalo aquí.

Poderedes entregalo en man no local do ANPA, ou depositar na nosa caixa de correos.

Unha vez finalizado o prazo de presentación de candidaturas, estas expoñeranse publicamente no taboleiro de anuncios do ANPA no centro, así como no blogue da asociación https://anpaosirmandinhos.blogspot.com.es/  e enviarase por tokapp co fin de publicitar ao máximo as candidaturas entre os socios/as. O período de publicación será do 14 ao 18 de Novembro de 2016.

Cando finalice o período de publicación de candidaturas, convocarase aos socios en Asemblea xeral extraordinaria o martes día 22  de Novembro de 2016, para proceder á presentación das candidaturas e á elección.

Desta convocatoria, sairá a Xunta Directiva do ANPA Os Irmandiños para os cursos 2016-2017 e o vindeiro 2017-2018.

RESUMO

·         24 Outubro 2016 publicación do proceso de eleccións

·         Do 7 ao 11 de Novembro de 2016 prazo de presentacións de candidaturas conxuntas

·         Do 14 ao 18 de Novembro de 2016 período de publicación das candidaturas

·         Dia 22 de Novembro de 2016 elección de Xunta Directiva en Asemblea Extraordinaria de socios/as.

Animámosvos a participar e así colaborar de forma activa pola educación dos nosos fillos.

            Moitas grazas e un saúdo,

ACTIVIDADES EXTRAESCOLARES DEFINITIVAS Curso:2016 - 2017

Xa temos o cadro definitivo de Actividades, é unha lástima que algunhas das propostas non sairan por falta de alumnos. Pero por fín temos Xadrez!!! Hai poucos alumnos, e seguro que algún máis que está interesado... O ANO PASADO O XADREZ FORA TODO UN ÉXITO!!!! Animádevos!!!

Recordovos a todos que para ir a estas actividades tendes que ser socios do AMPA e para iso tendes que cubrir o formulario de socio e pagar a cuota anual. E se algún ainda non se apuntou, só tendes que falar con nós, e vos informaremos das actividades que aindan teñen prazas.

Das actividades que se desenvolven fora do centro, tamén deixamos o cadro. Recordade que en Xaneiro abrirase de novo o prazo de matriculación para os nenos que cumplan os 3 anos ou para aqueles que se animen a facer algunha destas actividades.

ACTIVIDADES EN BEMBRIVE

Hoxe temos dúas noticias que se desenvolven en Bembrive. A primeira son as VI Xornadas de información e formación sobre TDAH, que se levarán a cabo o día 22 de Outubro no Centro Cultural Helios de Bembrive. A verdade é que teñen moi boa pinta e podedes descargar desde aquí o Tríptico informativo e máis o Boletín de inscrición,

A segunda noticia é refírese a unha serie de actividades para nenos de 0 a 12 anos. Aquí vos deixo o cartel con todalas fechas e ubicacións.

CURSOS E CONCURSOS

Vamos a inaugurar unha sección no noso blogue con toda esa información que chega a nos, e que normalmente non ten relación co noso  Centro, pero que pode resultar de noso interese xa que falaremos de cursos e concursos.

Hoxe, achégovos un par de noticias que poden ser do voso interese. A primeira é un CURSO DE ACHEGAMENTO AO GALEGO que ofrece de blade o Concello de Vigo. Incia o 17 de outubro de 18:30 a 21:00.
Podedes descargar toda a información referida a este curso AQUÍ.

Por outra banda, temos un CONCURSO "100 anos de Parques Nacionais, conservando a natureza xuntos", no que poden participar nenos e adultos.

A. Escolares de Primaria e primeiro ciclo de Secundaria

1. Deseño dun LOGOTIPO da rede de parques nacionais.

2. Concurso de CONTOS de parques nacionais.

3. Concurso de FOTOGRAFIA de parques nacionais.

4. Concurso de FRASES E ESLOGANES sobre os parques nacionais

5. Concurso de PINTURA e DEBUXO sobre paisaxes e a vida nos parques nacionais.

6. Concurso de REDACCIÓN sobre os parques nacionais españois.

B. Adultos

7. Concurso de deseño de ACTIVIDADES E MATERIAIS DIDÁCTICOS sobre os parques nacionais. A participación está aberta aos docente de centros escolares de EPO e/ou ESO, e tamén a educadores, monitores interpretadores de institucións, asociacións ou entidades, públicas ou privadas.
- En todos os concursos, o tema principal serán os Parques Nacionais.
- Admitirase como máximo tres traballos por participante e modalidade.
- Para participar é necesario encher a Ficha de inscrición.

O prazo de recepción dos traballos finaliza o 15 de novembro de 2016, desenvolvéndose outra convocatoria a finais do curso escolar en 2017.

Os traballos pódense enviar por correo-e a escolarcentenariopn@oapn.es, ou correo postal a Organismo Autónomo Parques Nacionales, Servicio de Publicaciones, C/ José Abascal, 41 - 28003 Madrid.

 Se vos animades a participar é queredes máis información sobre este concurso podedes descargala AQUI, e tamén a ficha de inscrición 

BULE BULE..... ALFIL

Adiviña, adiviña... que actividades van ser hoxe as protagonistas do noso blogue?

Costounos, pero ao final, si temos actividade de XADREZ!!! Variou un pouquiño o horario (16:15 h -17:15 h) e son moi pouquiños nenos, ainda que esperamos que vos animedes e que o grupo aumente.

Qué pensativos estes nenos, seguro que están pensando como facer a mellor xogada para gañar a partida. E non sei se gañaron ou non, o que sí sei é que O PASARON XENIAL.

E para repoñer as forzas, nada mellor que unhas deliciosas GALLETAS. Mmmmmm.... E eu que pensaba que se trataba de comer ao Rei!!!

Eu quero unirme a ese clube, e ti?

Os que tampouco o pasaron nada mal foron os nosos nenos e nenas de ATLETISMO. A nova profesora chámase ESTHER e fixo que a tarde fose moi divertida.

Diferentes probas para ver as súas habilidades, como a de equilibrio. Andar sobre a liña, sen caer e cada vez máis rápido parece sinxelo... pero non o é tanto!

 Estes campeóns vanse entrenar para gañar moitas veces. Gañarán amigos, bos hábitos, habilidade, bos ratos... e moitas, moitas risas!!! Non vos dan envidia?

  Apuntádevos! Ainda estades a tempo!

PREPARADOS.... LISTOS.... XA!!!!

 ESTAMOS DE VOLTA!

Este fin de semana tivemos moito traballo, como vos comentamos na reunión, estivemos a pintar as aulas, recompoñer as pizarras,... Deixando todo listo e preparado para comezar este luns, con MOITO ÁNIMO e MOITAS GANAS!!!

QUEDOU ESTUPENDO!!! 

GARDAS DE ACTIVIDADES EXTRAESCOLARES ACTUALIZADO!

Como vimos facendo nos últimos anos, e tal e como se falou na reunión informativa do luns 26 de setembro, os pais que levan aos seus fillos as actividades extraescolares de 16:00 a 17:00 fan turnos de garda para levalos nenos que están en comedor as correspondestes actividades, e quedan durante a actividade localizables por si houbera calquer problema poder atender aos nenos, chamar aos pais, avisar ao profesor de garda,... Recordade que si vosos nenos a continuación teñen outra actividade, debedes recollelos vosoutros na primeira actividade e levalos á segunda.

Xa temos os turnos, búscadeos na actividade na que tendes matriculados aos vosos fillos . En breve faremos os grupos de whatsapp de cada actividade para poder solucionar todalas dúbidas que teñades ou que vos poñades dacordo se alguén non pode facer a garda o día que lle toca.

ACTIVIDADES EN SECO DO MAIS QUE AUGA CON LISTADO

Xa temos novidades das actividades en seco do máis que auga, sentimos comunicarvos que só sairán adiante as actividades de ZUMBA KIDS e KARATE. As demáis non teñen o número mínimo requerido de nenos para levarse a cabo. Os que estades inscritos en Zumba e Karate debedes facer o pago da actividade  (44 euros/cuadrimestre) durante a próxima semana na conta do ampa.

LISTADO DE ALUMNOS ADMITIDOS 

ACTIVIDADES EN SECO MQA

GONZALEZ SÁNCHEZ	XIANA	ZUMBA KIDS	MARTES_17:15
ESTEVEZ MÍGUEZ	ALEXANDRA	ZUMBA KIDS	MARTES_17:15
ABALDE FREIRÍA	VALERIA	ZUMBA KIDS	XOVES_17:15
CEBREIRO ÁLVAREZ	CARMEN	KARATE INFANTIL		XOVES_18:45

Os alumnos que estaban inscritos noutras actividades, poden apuntarse nas actividades que sí se ofrecen, mentres todavía haxa plazas, do mqa ou no centro. Poñédevos en contacto con nós para solicitalo: 

anpaosirmandinhos@gmail.com