martes, 22 de maio de 2018

JUMPING CLAY VERAN_ 31 MAIO Y 1 XUÑO

Achégase o final de curso e queremos rematar cun obradoiro que lles encanta ós nosos nenos e nenas: Obradoiro de Jumping Clay.  Esta vez facemos unha nova edición de verán, pero xa sabedes que as prazas están limitadas. Así que si estades interesados, facede a vosa inscripción canto antes. 



Será os días 31 de maio e 01 de xuño, de 16.00 a 17.00h aproximadamente, no comedor do centro, para todos aqueles que desexen participar. Recordamosvos que ainda que esté planificada en dous días,  só se pode asistir un.

As prazas son limitadas, por ese motivo vos recomendamos que vos anotedes canto antes. Podedes facelo a través do whatsapp 604026358 e do mail anpaosirmandinhos@gmail.com, indicando:

NOME DO NENO OU NENA, CURSO
DÍA NO QUE QUERE INSCRIBIRSE

Se algún neno ou nena cambio a súa situación con respecto á asistencia ao comedor, por favor, poñédeo tamén, para poder organizarnos da mellor forma posible.

Tamén estamos a vosa disposición no horario habitual de oficina. 

Admitiranse as inscripción ata o luns 28 de maio de 2018, ou hasta que non haxa prazas.

Esta actividade é de balde para os socios da Anpa Os Irmandiños, o prezo para os non socios é de 3,5 €, que deberán aboar no momento da súa inscripción.



domingo, 13 de maio de 2018

CURSO CREACIÓN E INTERPRETACIÓN POÉTICA

A Concellaría de Normalización Lingüística vai levar a cabo un obradoiro gratuíto de Creación e Interpretación poética de 8 horas (impartido por Silvia Penas)
O obradoiro (8 horas) terá lugar no Instituto Municipal de Educación-IME (camiño do Chouzo, 2):
Creación de textos poéticos-4 h:
o luns, 28 e o martes, 29 de maio de 2018 de 18:00 a 20:00 (prégase puntualidade)
Repaso pola poesía oral galega, composición individual e colectiva de textos poéticos, procurar formas de creación, ideas e xogos para conseguir resultados na escritura automática e na improvisación oral de textos poéticos, etc.
Lectura e interpretación-4 h:
o luns, 4 e o martes, 5 de xuño de 2018 de 18:00 a 20:00 (prégase puntualidade)
Aprender técnicas e exercicios básicos para un quecemento vocal, tratar de dominar a expresión facial e corporal, ton e interpretación oral, etc.
Para maiores de 16 anos
Para se inscribir deben enviar os seus datos (nome completo, idade, teléfono) ao correo electrónico actividades.snl@vigo.org (deben poñer no asunto: obradoiro creación e interpretación)

mércores, 9 de maio de 2018

CHARLA REVÁLIDAS_15 MAIO DE 2018



Como ben sabedes por terceiro ano consecutivo a Consellería de Educación volve celebrar en maio as “Proba de Avaliación Individualizada” por todos coñecidas como reválidas: 30 e 31 de maio en 3º de primaria   para todos os centros educativos e 29 e 30 de maio para 6º de primaria e 4º da ESO para os centros educativos seleccionados pola Consellería.
A postura mantida por FOANPAS e ANPAS GALEGAS, confederación da que formamos parte, é NON levar @s nen@s ó centro educativo eses días.  Aínda que podemos entender o conflito que moitos podedes ter a nivel de inculcar n@s nos@s nen@s  non cumprir a Lei ou as normas, cremos que temos que sopesar moito que é o mellor para eles/as, porque como pais/nais ese criterio é o que debe primar e valorar esta medida como un acto máis de rexeitamento ante unha Lei imposta sen Consenso: os pais e nais tamén temos algo que dicir sobre a educación d@s nos@s fill@s.
 A parte do mencionado, expoñémosvos algúns dos motivos de rexeitamento e tamén plantexámosvos preguntas  para  que reflexionedes e adoptedes a decisión que consideredes  máis correcta.
1.       Din que teñen carácter estritamente informativo e orientador. Se @s nos@s nen@s levan no centro educativo dende os 3 anos non foron informados nin orientados ata ese momento polo profesorado? Non tivemos notas nin reunións co profesorado requirido? Temos que agardar 6 ANOS para estar informados/as e orientados/as?

2.       Se non vai ter efectos no seu expediente, cal é a súa utilidade real? Por qué insisten tanto en que NON van facer rankings de centros, non será porque iso é o que realmente buscan?

3.       E que pasa co alumnado NEAE? Teñen dereito á adaptación do exame, pero cando facer dita adaptación se o exame se abre xusto antes de comezar a facelo? E para que fan o exame se non lles computa a nota? Isto é inclusión educativa?

4.       É necesario someter @s nen@s a esa presión, cuns exames largos, seguidos con tan Só 8-9 anos? Cómo pode influír ese nerviosismo nos resultados? Que pasa se nos días previos @s nen@s tiveron acontecementos familiares que lles afecte ao seu estado anímico, por exemplo falecemento dun avó/a, enfado co/a seu/súa mellor amig@, separación dos seus pais…? Están centrados/as para sometelos/as a esas probas?

5.       Só avalían algunhas competencias. Qué pasa co resto? Non son necesarias? Non son importantes? Son secundarias? Non queremos unha formación integral para @s nos@s? Non queremos que adquiran TODAS as competencias para desenvolverse na súa vida?  Non foron xa avaliados polo seu profesorado? Para que están entón? Quen sabe mellor como están @s nos@s fill@s: unha proba puntual ou un seguimento diario por parte do profesorado  o longo de todo o curso educativo?

6.       Din que queren detectar carencias cando os centros en moitísimos casos levan anos reclamándolle e pedíndolle á Consellería medidas e NON lles fixeron CASO. AGORA resulta que SI, que cunha proba puntual, que a saber como lle sae o/a rapaz/a, é SUFICIENTE  para tomar medidas… E TODOS OS INFORMES FEITOS polo centro e profesorado NON SIRVEN? Por qué NON invirten todo o diñeiro que se gastan nestas probas en MELLORAR o sistema educativo? POR QUÉ esperar a ter que implementar programas de mellora? NON será mellor PREVIR que LAMENTAR? Levan anos con recortes en Educación, por qué non reducen ratio de nen@s/aula? Por que non se manda o profesorado especialista pedido?

7.       A Consellería nos pide colaboración AGORA, só cando lles interesa… Por que non se nos pediu cando ELABORARON esta lei? Por que se queren que participemos SE SUPRIMEN ou ANULAN as competencias do Consello Escolar, órgano onde os pais-nais interviñamos para DECIDIR? Por que NON se nos escoita cando petamos na porta da Consellería?
Esperamos que esta carta vos sirva para  que tomedes a decisión que consideredes máis acertada, pero é o momento, é a oportunidade de dicir “NON QUEREMOS ESTE SISTEMA EDUCATIVO”. Abramos as portas a un CONSENSO. Todos/as debemos buscar o mellor para formar aos/ás FUTUROS/AS CIDADÁNS/ÁS. Calquera dúbida poñédevos en contacto connosco e lembramos que FOANPAS ten actividades alternativas para eses días.

martes, 8 de maio de 2018

RECLAMACIÓN A COPCISA

Dada a preocupación dos socios polas deficiencias e danos no centro:
  • Afundimento do chan do patio de Educación Infantil, cos conseguintes perigos que implica para o alumnado e os profesionais que desenvolven o seu labor
  • Mal funcionamento da porta de acceso do alumnado de Educación Primaria
  • Mal funcionamento da porta de acceso de vehículos da escola
  • Ausencia de sensores de fume nos baños do alumnado
  • Problemas na telefonía do centro, tendo solicitado a inclusión na rede de telefonía Xunta
  • Problemas nos chans de educación infantil, biblioteca e corredores
  • Chéganse a acadar temperaturas moi elevadas nalgunhas aulas. Destaca o caso das aulas de infantil, nos que a calor dificulta o desenvolvemento da práctica educativa e prexudica o benestar do alumnado e dos profesionais
 E dado que  a nosa reclamación conxunta anterior non obtivo resposta, acórdase colgar no blogue un modelo de queixa para que os pais e nais que o desexen, poidan enviala de forma individual ós organismos competentes por correo electrónico. E así, que a nosa protesta sexa oída.

Informáronnos que por correo electrónico podíamos molestar, pero si queríamos que realmente a protesta fose efectiva, deberíamos entregala en rexistro para que teña valor oficial. Tamén se pode enviar pola sede electrónica da Xunta se tedes un certificado digital, activado o DNI, ou a chave365, que pronto será obligaroia para casi todos os trámites nesta institución.
Así que si podedes, mellor, por Rexistro.

É MOI IMPORTANTE QUE VOS IMPLIQUEDES E ENVIEDES O ESCRITO.

De non ter reposta, poderánse tomar outras medidas de presión para que se den solucións a estes
problemas.

Aquí vos deixo un modelo para que o descarguedes, no que debedes poñer o destinatario, en función de a onde o enviedes, e cubrir os vosos datos.


Cómo ya dixemos, é mellor presentar os escritos por rexistro, pero si alguén non pode, podedes envialas a estas direccións de mail.


UTE (Unidade Técnica Educativa) unidadetecnica.pontevedra@edu.xunta.es

Consellería de Educación: gabinete.educacion@edu.xunta.es

Concello de Vigo: ofi.educacion@vigo.org


CONTAMOS CONTIGO